Wednesday, September 21, 2011

ഡിങ്കന്‍ ഇഫക്റ്റ്. [ശാസ്ത്രവും ഡിങ്കനും]

ചോദ്യം- സര്‍, ഡിങ്കന്‍ എന്നൊരു പ്രതിഭാസം ഉണ്ടോ? ഉണ്ടെങ്കില്‍ അത് പദാര്‍ത്തമാണോ ദ്രവ്യമാണോ മീതൈല്‍ ആല്‍കഹോളാണോ ? ശാസ്ത്രീയമായി ഇതിനെന്തെങ്കിലും  വിശദീകരണം ഉണ്ടോ?
    
        തീര്‍ച്ചയായും ശാസ്ത്ര വിദ്യാര്‍ഥികള്‍ക്കുണ്ടായെക്കാവുന്ന ഗൌരവമായ സംശയമാണ് ഉന്നയിച്ചിരിക്കുന്നത്. എന്നാല്‍ ഇത്തരം സംശയങ്ങള്‍ സാധാ ജനങ്ങളില്‍ പലര്‍ക്കും ഉണ്ടാവാന്‍ സാധ്യതയുള്ളതുകൊണ്ട്തന്നെ  അക്കാദമിക്ക് തലത്തില്‍ ഒറ്റകാലില്‍ നിന്നുകൊണ്ട് അതിനെപറ്റി വിവരിക്കുന്നതിന് പകരം വിശദമായി ഇരുന്നു  പ്രതിപാദിക്കുവാനാണ് ഞാന്‍ ആഗ്രഹിക്കുന്നത്.


ലോകപ്രശസ്ത ഭൌതികശാസ്ത്ര ഗവേഷണശാലകളിലെല്ലാം  ജോലിചെയ്യുന്നവര്‍ 24X7 പണിയെടുത്തിട്ടും  ഡിങ്കന്‍ കോണ്ക്രീറ്റ് ആണോ, ഇഷ്ടികയാണോ, മാറ്റര്‍, ആണോ എന്ന് കണ്ടെത്താന്‍ ഈ സമയംവരെ [ 3.57  pm ] കഴിഞ്ഞിട്ടില്ല. അതിനര്‍ത്ഥം ഡിങ്കന്‍ അബ്സ്ട്രാക്ടും, മാറ്റരും, ഒന്നുമല്ല എന്നല്ല, നേരെ മറിച്ചു താന്‍ എന്താണെന്ന് മറ്റുള്ളവരെ അറിയിക്കാന്‍ ഡിങ്കന്‍ ആഗ്രഹിക്കുന്നില്ല എന്ന് മാത്രമാകുന്നു. അതായത് സുകുമാരക്കുറുപ്പിനെ പറ്റി അന്വേഷിച്ചിട്ട് പോലീസിനു ഒരു തുമ്പും കിട്ടിയില്ല അതുകൊണ്ട്  സുകുമാരക്കുറുപ്പ് എന്നൊരു വസ്തു ഇല്ലായിരുന്നു എന്നൊരു നിഗമനത്തിലെത്താന്‍ സാധിക്കില്ല. നേരെ മറിച്ചു സുകുമാരക്കുറുപ്പ് എന്ന കോണ്ക്രീറ്റ് താന്‍ ഇന്നയിടത്തുണ്ട് എന്ന് വെളിപെടുത്താന്‍ ആഗ്രഹിക്കുന്നില്ല അതുകൊണ്ട് അദ്ദേഹത്തെ കണ്ടെത്താന്‍ സാധിക്കുന്നില്ല എന്നെ മനസിലാക്കാന്‍ കഴിയൂ. ഇവിടെ ഡിങ്കന്റെ കാര്യത്തിലും സമാന അവസ്ഥയാണ് ശാസ്ത്ര കുതകികള്‍ക്ക് മുന്നിലുള്ളത്. എന്നാല്‍ ഡിങ്കന്‍ ഉണ്ടെന്നുള്ള തെളിവുകള്‍ ശാസ്ത്രത്തിന്റെ മുന്നില്‍ വ്യെക്തമാണ്താനും


വെറും ഡമ്മി ഗുളികള്‍ കൊണ്ട് പലരുടെയും അസുഖം മാറ്റാനാവും എന്ന വസ്തുത മുന്‍നിര്‍ത്തി  ആരോഗ്യശാസ്ത്രം  പ്ലാസിബോ ഇഫക്റ്റ് [ പൊലി പ്രഭാവം] എന്നൊരു സംഭവത്തെ അംഗീകരിച്ചിട്ടുണ്ട്. എന്താണീ പ്ലാസിബോ? "പ്ലേഗ്" എന്നാല്‍ എലിയില്‍നിന്നു പകരുന്ന രോഗം ആണെന്ന് നമുക്ക് അറിയാം. അതുകൊണ്ട് തന്നെ "പ്ലാസിബോ" എന്ന വാക്കും എലിയില്‍നിന്നു ഉത്ഭവിക്കുന്ന സംഭവമാണെന്ന് വേണം അനുമാനിക്കാന്‍. കാരണം രണ്ടും "പ്ലാ" എന്ന ലാറ്റിന്‍ അക്ഷരത്തിലാനല്ലോ  ആരംഭിക്കുന്നത്. ഉത്തര ലാറ്റിന്‍ ലിപിയിലെ "എലിയില്‍നിന്നു ഉത്ഭവിക്കുന്നത് "എന്ന വ്യാഖ്യാന അര്‍ത്ഥത്തില്‍ നിന്നാണ് "പ്ലാ" എന്ന പദം ഉരുത്തിരിഞ്ഞുവന്നത്. [എന്നാല്‍ ഒരു വൃക്ഷത്തിന്‌ പ്ലാവ് എന്ന പേര് വന്നത്  എലിയില്‍ നിന്ന് ഉത്ഭവിക്കുന്ന മരമായതിനാലാണോ  കാരണം എന്ന സംശയം ഉണ്ടാകാം. അതിനെപറ്റി അടുത്ത അദ്ധ്യായത്തില്‍ വിശദമാക്കാം.] അതായത് എലിയാല്‍ മാറ്റപെടുന്ന രോഗം എന്നാണു മലയാളത്തില്‍ പ്ലാസിബോ ഇഫക്റ്റ്   എന്നതിന്റെ സമ്ഞ്ഞ. അതായത് ഡിങ്കന്റെ ഇഫക്ടിനാല്‍ വെറും ഡമ്മി മരുന്നുകള്‍ നല്‍കി എലി-ഉപാസകരായ ആരോഗ്യവിദഗ്ദര്‍ക്ക് തന്റെ അടുക്കല്‍ എത്തുന്ന  രോഗിയുടെ രോഗം സുഖപെടുത്താന്‍ കഴിയുന്നു. മറ്റൊന്ന് സമൂഹത്തിലെ മൂല്യചുതിയും ആരാജകത്ത്വവും വര്‍ദ്ധിക്കുമ്പോള്‍ മഹാമാരിയായി എലിരോഗം [പ്ലേഗ്, എലിപനി] പകര്‍ത്തി മൂല്യച്യുതിയിലകപെട്ട സമൂഹത്തെ ഇല്ലായ്മ ചെയ്യുന്നു. - ഇതെല്ലാം തനിയെ സംഭവിക്കുന്നതാണോ? എങ്കില്‍ എന്ത്കൊണ്ട് സന്ദര്‍ഭാനുസരണം ആളുകളെ രക്ഷിക്കാനും ശിക്ഷിക്കാനും എലികള്‍ മാത്രം നിമിത്തമാകുന്നു? ഇവിടെയാണ്‌ എലിവേഷം ഉള്‍കൊണ്ട ഡിങ്കന്‍ എന്ന ദൈവത്തിന്റെ പ്രസക്തി ശാസ്ത്രത്തിനു ബോധ്യമാവുന്നത്‌. ഇതിനെ നമുക്ക് ഡിങ്കപ്രഭാവം [പ്ല = എലി =ഡിങ്കന്‍ ] എന്ന് വിളിക്കാം. രൂപം എന്താണെന്ന് അറിയിലെങ്കിലും ഡിങ്കന്റെ പ്രഭാവം ഈ ഭൂമുഖത്ത് പ്രകടമാവുന്നുണ്ട്  എന്ന്  ആരോഗ്യമേഘലയില്‍ നമ്മുക്ക് കണ്ടെത്താന്‍ കഴിഞ്ഞുവല്ലോ. ഇനി നമുക്ക് പ്രഭഞ്ചത്തിലേക്ക് നോക്കാം. 

ഡിങ്കന്‍ കോസ്മിക്കുകളെയും ഗാലക്സികളെയും  ഒന്നടങ്കം നിയന്ത്രിച്ചു ഭരിക്കുന്നത്‌ ഭൂമിക്കു പുറത്തുള്ള ഏതോ സങ്കേതത്തില്‍ വെച്ചാണ് എന്ന വേദവാക്ക്യത്തിന്റെ [ ബാലംഗലം 18;03] പൊരുള്‍ ശരിയായ രീതിയില്‍ ആണെന്ന്  സ്റ്റീഫന്‍ ഹോക്കിങ്ങ്സിനെ പോലുള്ള ശാസ്ത്രപ്രഭ്രുതികളുടെ പുതിയ കണ്ടുപിടുത്തമായ ബ്ലാക്ക് ഹോള്‍ സിദ്ധാന്തം തെളിയിക്കുന്നുണ്ട്. എന്താണീ " ബ്ലാക്ക് ഹോള്‍" ? പ്രഭഞ്ചത്തിന്റെ സിരാകേന്ദ്രത്തില്‍ പ്രകടമാകുന്ന കറുത്ത തുള, മറ്റൊരര്‍ത്ഥത്തില്‍ പറഞ്ഞാല്‍ ഇരുണ്ട മാളം. നമുക്കറിയാം.. മറ്റുള്ള മതങ്ങള്‍ ഒക്കെ പറയുന്ന തരത്തിലാണെങ്കില്‍ പ്രഭഞ്ചത്തിന്റെ നടുക്ക് ഉണ്ടാകേണ്ടിയിരുന്നത് സിഹാസനമോ, ചുരുണ്ടുകൂടി കിടക്കുന്ന പാമ്പോ മറ്റോ ആയിരക്കണമായിരുന്നു . എന്നാല്‍ അവിടെ യഥാര്‍ത്ഥത്തില്‍ ഉള്ളത് ഇരുണ്ട മാളം മാത്രമാകുന്നു. ഇത് എന്താണ് സൂചിപ്പിക്കുന്നത്? പ്രഭഞ്ചത്തിന്റെ സിരാകേന്ദ്രത്തില്‍ പോയി മാളം ഉണ്ടാക്കേണ്ടി വരുന്നത് ആര്‍ക്കാണ്? ഇതിനുള്ള ഉത്തരത്തില്‍ നിന്ന് അത് എലിരൂപിയാ ഡിങ്കന്‍ ആല്ലാതെ മറ്റാരുമല്ല എന്ന്  വെക്തമായും സ്പഷടമായും മനസിലാക്കാന്‍ കഴിയുന്നതല്ലേ.? മാത്രമല്ല വെറും മാളം എന്നല്ല "ഇരുണ്ട മാളം" ആണ് ഉള്ളത് എന്ന വസ്തുത  ഡിങ്കന്‍ എന്ന ദൈവത്തിനുള്ള വെക്തമായ തെളിവാകുന്നു. കാരണം എലികള്‍ മാളങ്ങളില്‍ ലൈറ്റിട്ടു താമസിക്കാറില്ലല്ലോ. കേവലം പ്രഭഞ്ചത്തിന്റെ സിരാകേന്ദ്രത്തില്‍ ഒരു മാളം ഉള്ളതുകൊണ്ട് ഡിങ്കന്‍ എന്ന പ്രതിഭാസത്തിനു സാധൂകരനമാകുമോ എന്ന ചോദ്യം നമുക്ക് തള്ളികളയാനാകില്ല. ഉപോത്ഭലകമായ ഒത്തിരി സമസ്യകള്‍ പൂരിപ്പിക്കപെടുംപോഴാനല്ലോ ശാസ്ത്രം സത്യമാകുന്നതു.

നമുക്ക് "ഇരുണ്ട മാളവും" ഭൂമിയും തമ്മില്‍ എന്തെങ്കിലും ബന്ധമുണ്ടോ എന്ന് പരിശോധിക്കാം. ഏതാനും വര്‍ഷങ്ങളായി.. ഭൌമാന്തരീക്ഷത്തിനു മുകളിലെ ഓസോണ്‍ പാളിയില്‍ ധ്രുവ പ്രദേശത്തിന് മുകളിലായി തുള ഉണ്ട് എന്ന കാര്യം ശാസ്ത്രം തിരിച്ചറിഞ്ഞിട്ടു. എന്തിനാണ്, എന്തുകൊണ്ടാണ് ഭൌമാന്തരീക്ഷത്തില്‍ ഒരു തുള? സി.എഫ് സി തന്മാത്രകള്‍ അള്‍ട്രാ-വയലറ്റ്-രശ്മികളെ ആഗിരണം ചെയ്യും അതിന്റെ അനന്തരഫലമാണ് പ്രസ്തുത തുള എന്നാണ് ശാസ്ത്രത്തിന്റെ  നിഗമനം. എന്നാല്‍ സി.എഫ്.എസ തന്മാത്രകള്‍ ഭൂമിയില്‍ പരക്കെ ഉണ്ടായിരിക്കെ എന്തുകൊണ്ട് അവിടെയൊന്നും തുള ഉണ്ടാകാതെ ധ്രുവങ്ങളില്‍ മാത്രം തുള കാണപെടുന്നു എന്ന ചോദ്യത്തിന് വ്യെക്തമായ അനുമാനങ്ങള്‍ നല്‍കാന്‍ കഴിയുന്നില്ല. അതുകൊണ്ട് തന്നെ സയനിസ്ടു ശാസ്ത്രഞ്ഞരുടെ കപടവാദം എന്ന തരത്തില്‍ നമുക്കാ നിഗമനത്തെ തള്ളികളയാം. എന്നിട്ട് യഥാര്‍ത്ഥ കാരണങ്ങള്‍ എന്തായിരിക്കും എന്ന് പരിശോധിക്കാം. ഭൌമാന്തരീക്ഷ പാളിയില്‍  ഇന്ത്യാ ഗേറ്റ് പോലെയോ, വാളയാര്‍ ചെക്ക് പോസ്റ്റ് പോലെയോ ഒരു പ്രവേശന കവാടം അല്ല ഉണ്ടായത്, നേരെ മറിച്ചു ഒരു തുള അഥവാ മാളം ആണ് ഉണ്ടായത് എന്നാണു വസ്തുത.  ആര്‍ക്കാണ് തുളയില്‍ കൂടി സഞ്ചരിക്കാനാവുന്നത്? ഡിങ്കന്‍ എന്ന എലിരൂപിക്ക്  അല്ലാതെ മറ്റു ദൈവങ്ങളൊന്നും തുളയില്‍ കൂടി സഞ്ചരിക്കുനവയല്ല എന്ന് നമുക്കനുമാനിക്കാം.

ഇവിടെയാണ്‌ മേല്‍പ്പറഞ്ഞ പ്രഭഞ്ച സിരാകേന്ദ്രത്തിലെ "ഇരുണ്ട മാളവും"  "ഭൌമാന്തരീക്ഷത്തിലെ തുളയും" തമ്മില്‍ ഒരു ലിങ്ക് അഥവാ പാത നമുക്ക് സ്പഷ്ടമാകുന്നത്. എന്തെന്നാല്‍.. ഭിത്തിയേല്‍ ഒരു മാളവും പത്തായത്തിനകത്തേക്ക് ഒരു തുളയും കണ്ടാല്‍ അത് കെ.എസ്.ആര്‍.റ്റി.സി.ക്ക് ടൌന്‍ ടു ടൌന്‍ സര്‍വീസ് നടത്താന്‍ വേണ്ടിയായിരിക്കില്ല എന്ന പ്രായോഗിക സിദ്ധാന്തം നമുക്കറിയാം. തന്റെ താവളമായ പ്രഭഞ്ചത്തിലെ ഇരുണ്ട മാളത്തില്‍ നിന്നും ഡിങ്കന്‍ ഭൂമിയിലേക്ക്‌ വന്നു പോകുന്നതിനു ഉണ്ടാക്കിയ തുളയാണ് ഓസോണ്‍ പാളിയില്‍ കാണുന്ന തുള എന്ന് വെക്തമാണ്. എന്നാല്‍ ശാസ്ത്ര വിദ്യാര്‍ഥികള്‍ക്ക് ഇവിടെ ഉണ്ടായേക്കാവുന്ന ഒരു സംശയം "ഭൂമിയുടെ അന്തരീക്ഷത്തിനു മുകളിലെ ഓസോണ്‍ പാളിയില്‍ എവിടെയും പ്രസ്തുത തുള ഇട്ടു  ഡിങ്കന് ഭൂമിയുടെ അന്തരീക്ഷത്തിലേക്ക് പ്രവേശിക്കാം എന്നിരിക്കെ  എന്തിനു ധ്രുവത്തിന്റെ മുകളില്‍ മാത്രം തുള ഇട്ടു അതിലൂടെ കടന്നു വരുന്നു, എന്തിനാണ് വളഞ്ഞ വഴി സ്വീകരിക്കുന്നത് " എന്നാണു.! തികച്ചും ന്യായമായ സംശയം. ഇതിനു ഉത്തരം തേടുമ്പോള്‍ നമ്മള്‍ "ഭൌമഅന്തരീക്ഷത്തിനും" "ഇരുണ്ട മാളത്തിനും" ഇടയിലുള്ള സംഭവ വികാസങ്ങള്‍ പരിശോധിക്കേണ്ടിയിരിക്കുന്നു.

പ്രഭഞ്ച സിരാകേന്ദ്രത്തിലെ ഇരുണ്ട മാളത്തില്‍നിന്നും [ ബ്ലാക്ക്‌ ഹോള്‍] ഭൌമാന്തരീക്ഷത്തിലേക്ക് [ഓസോണ്‍ പാളി] എത്താന്‍  91.3 ഡിഗ്രിയില്‍ ഡിങ്കന് മണിക്കൂറുകളോളം പറക്കെണ്ടിവരും എന്നത് സ്പഷ്ടമാണ്. സൂര്യനില്‍ നിന്ന് ഏകദേശം പത്തുപതിനഞ്ചു കോടി കിലോമീറ്റര്‍ അകലത്തില്‍ ഓസോണ്‍ പാളിയുടെ സംരക്ഷണത്തില്‍ സ്ഥിതിചെയ്യുന്ന നമുക്ക് തന്നെ സൂര്യന്റെ ചൂട് താങ്ങാന്‍ കഴിയാറില്ലല്ലോ. അങ്ങനെ വരുമ്പോള്‍.. ഭൌമാന്തരീക്ഷത്തിന്റെ ഉപരിതലത്തില്‍ കൂടി,  സൂര്യന്റെ അടുത്തുകൂടി കാതങ്ങള്‍ ദൂരം പറക്കെണ്ടിവരുന്ന ഡിങ്കന്റെ അവസ്ഥ നമുക്കൂഹിക്കാന്‍ പര്യാപ്തമായിരിക്കുമല്ലോ. അതായത് കൊടുംചൂടില്‍ ഒരു തണല് പോലും കിട്ടാതെ  ഇത്രയും ദൂരം പരന്നെത്തുംപോള്‍ ഡിങ്കന്‍ വിയര്‍ത്തുകുളിച്ചു ഒരു പരുവമായി മാറിയിട്ടുണ്ടാകും. ഇത്തരം അവസരങ്ങളില്‍ എത്രയും പെട്ടന്ന് തണുപ്പുള്ള ഒരു പ്രദേശത്തു ചെന്ന് കുറച്ചു വിശ്രമിക്കുക, അതിനു ശേഷം കര്‍മ്മ നിരതനാകുക എന്ന പ്രവര്‍ത്തിയാണ് ആരായാലും ചെയ്തുപോവുക. അതുകൊണ്ട് തന്നെയാണ് ധ്രുവങ്ങളില്‍ എത്തി ചൂടില്‍ നിന്നും ആശ്വാസം നേടുക എന്ന ഉദ്ദേശത്തിന്റെ ഫലമായി ഡിങ്കന്‍ മറ്റെവിടെയും സുഷിരം ഉണ്ടാക്കാതെ ധൃവങ്ങള്‍ക്ക് മീതെയുള്ള ഓസോണ്‍ പാളിയില്‍ തുള ഉണ്ടാക്കി ഭൂമിയിലേക്ക്‌ കടക്കുന്നത്‌ എന്ന് കണ്ടെത്താന്‍ കഴിയും.

ഇത്തരത്തില്‍ ഈ പ്രഭഞ്ചത്തിലെ ഓരോ പ്രതിഭാസങ്ങളിലെയും കാര്യകാരനങ്ങളുടെ മൂലകാരണം ശ്രദ്ധിക്കുന്ന ശാസ്ത്രകുതകികള്‍ക്ക് ഡിങ്കന്റെ പ്രഭാവം മനസിലാക്കാന്‍ പ്രയാസമുണ്ടാകില്ല എന്നാണു എന്റെ നിരീക്ഷണ പരീക്ഷണങ്ങളുടെ അനുഭവങ്ങള്‍ തെളിയിക്കുന്നത്.


തുടരും...

17 comments:

  1. "ഇരുണ്ട മാളവും" "ഭൌമാന്തരീക്ഷത്തിലെ തുളയും" Woh Appi Namichu ,

    ReplyDelete
  2. black holinum ozon holenum edayil ulla vazhiyil elikeni vechaal dinkane pidikitille?black holinum ozon holenum edayil ulla vazhiyil elikeni vechaal dinkane pidikitille?

    ReplyDelete
  3. <<>>

    ഇത്രയൊക്കെയേ ഉള്ളൂ.. ആളുകളുടെ അന്തര്ഞ്ഞാനം. അങ്ങനെ ആരെങ്കിലും വിചാരിച്ചാല്‍ പിടിക്കാന്‍ കഴിയുമായിരുന്നുവെങ്കില്‍.. ഭൂമിയില്‍ പൂച്ചകള്‍ ഇല്ലാതിരുന്നിട്ടാണോ ഡിങ്കന്‍ ഇപ്പോഴും നിലനില്‍ക്കുന്നത്.....

    ReplyDelete
  4. ഒരു ഡിങ്കോയിസ്റ്റ് മറ്റുള്ളവരെ പരിഹസിക്കാന്‍ പാടില്ല എന്നറിയില്ലേ പയ്യന്‍സിനു ,ഡിങ്കനെ പരിഹസിക്കുന്നവരെ തിരിച്ചു പരിഹസിക്കുന്നവരെ ഡിങ്കന്‍ നരകത്തില്‍ എലിക്കെണി യിലേക്ക് അയക്കും എന്നാ ദിവ്യ വചനം ഓര്‍മ്മയില്ലേ ?എന്തെന്നാല്‍ അവര്‍ പാപികള്‍ ,അവര്‍ തീയും ഗന്ധകവും തുപ്പും ,ഡിങ്കന്‍ പാറ പോലെ പ്രപഞ്ചത്തിന്റെ ഉപ്പു ആണ് എന്ന് തുടങ്ങുന്ന സുവിശേഷം വായിക്കൂ (ബാല മംഗളം ,ലക്കം ൧൧൨൮,18 :12 /൧)

    ReplyDelete
  5. ശരിയാണ്. പക്ഷെ യഥാര്‍ത്ഥ ദിന്കൊയിസ്ട്ടുകള്‍ വളരെ കുറച്ചേ ഉള്ളൂ. ഡിങ്കന്‍ നരക സ്വര്‍ഗ്ഗങ്ങളെ കുറിച്ചൊക്കെ പറയുന്നത് തമാശയല്ല. സിംപോളിക്കുമല്ല. യാതാര്ത്യമാണ്.

    നരകത്തില്‍ പ്രേട്രോലിനു അന്താരാഷ്ട്രാ മാര്‍ക്കട്ടിലതിനേക്കാള്‍ ഇരട്ടി വിലയും അതിന്റെ സര്‍ച്ചാര്‍ജ്ജും ആയിരിക്കും എന്ന് ബാലമംഗളം വിവരിക്കുന്നുണ്ട്. അതൊക്കെ കേള്‍ക്കുമ്പോള്‍ പേടിയുണ്ട്.

    ReplyDelete
  6. ഡിങ്കന്‍ ശരണം ...
    ഡിങ്കോയിസം ജയിക്കട്ടെ...

    ReplyDelete
  7. ഇവിടെ അഴിഞ്ഞാടുന്ന സകല ജാതി-മത കോമരങ്ങളേയും മുഖത്തുനോക്കി തുപ്പാൻ ഒരു ഡിങ്കൻ ഇവിടെ അത്യാവശ്യമാണ്;
    ഈ അഴിഞ്ഞാട്ടമൊന്നും മനുഷ്യനു വേണ്ടിയല്ലല്ലോ-അധികാരത്തിനും തൻ കാര്യ ലാഭത്തിനും മാത്രമാണല്ലോ;
    മനുഷ്യനെ സംസ്ക്കാരസമ്പന്നന്നാകുന്നതിനുള്ള കൂട്ടായ്മകൾ മാത്രം മതി നമുക്ക്-ഡിങ്ക മഹാശയാ, പരിഹാസത്തിലൂടെയുള്ള ഈ യുദ്ധം തുടരൂ.....

    ReplyDelete
  8. ഡിങ്കോയിസം ജയിക്കട്ടെ..ശരണം ശരണം ഡിങ്കന്‍

    ReplyDelete
  9. അല്ല പയ്യാ ..... ഡീങ്കനിൽ പൂർണമായി നമ്പുന്ന നമ്പോലന്മാർ നരകത്തിൽ പോകുമോ .......:)

    ReplyDelete
  10. "ഡിം" എന്ന ശബ്ദത്തോടുകൂടി, വലിയൊരു പൊട്ടിത്തെറിയിലൂടെയാണ് പ്രപഞ്ചം ഉണ്ടായത് . ആ "ഡിം" എന്ന ശബ്ദത്തിനുടമ ആരോ അവന്‍ "ഡിംകാര നാഥന്‍" അഥവാ "ഡിങ്കന്‍"

    ReplyDelete
  11. വിശാല ഡൈങ്കവ ഐക്യം കാലഘട്ടത്തിന്റെ ആവശ്യം: ജട്ടിജി

    തിരുഡിങ്കപുരം: ഡിങ്കജന്മഭൂമിയായ പങ്കിലക്കാട്ടിൽ എത്രയും വേഗം ഡിങ്കക്ഷേത്രം നിർമ്മിക്കണമെന്ന് വിശ്വ ഡിങ്കപരിഷത്ത് പ്രസിഡന്റ് ജി. ഡൈങ്കവ ജട്ടി ആവശ്യപ്പെട്ടു. ഡിങ്കരാഷ്ട്രം എന്ന ലക്ഷ്യത്തിൽനിന്ന് ഒരു തേങ്ങാപ്പൂളിടപോലും പിന്നോട്ടില്ല. വിശാല ഡൈങ്കവഐക്യം കാലഘട്ടത്തിന്റെ ആവശ്യമാണ്. വരുന്ന പഞ്ചായത്ത് തെരഞ്ഞെടുപ്പിൽ എലിവധനിരോധനം മുഖ്യ ചർച്ചാവിഷയമാകും. കപീഷിക മതതീവ്രവാദികളോടും ലുട്ടാപ്പ്യൻ മതപരിവർത്തനക്കാരോടും സർക്കാർ സന്ധിചെയ്തിരിക്കുകയാണെന്ന് ജട്ടിജി അഭിപ്രായപ്പെട്ടു. കലൂർ - വരാപ്പുഴ ഡിങ്കുമത കൺവൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

    ReplyDelete